ڕاپه‌ڕین
لەبەردەم خوا و میللەتەكەم بەهەر ١٠ پەنجەم بۆ مێژوو ئەم ڕاستیانە تۆمار دەكەم
یەكەم: ٤ / ٣ چەخماخەی ڕاپەڕین لە خەبات دای و لە
٥ /٣ ڕاماڵین و پاكسازی لە حاجیاوا و چوار قورنە و ڕانیە دەستی پێكرد
دووەم: یەكەم شەهیدی ڕاپەڕین شەهیدان بەختیار هوڕێوەیەیی و
لاوێكی دیبەگەیە بەداخەوە ناویم لە بیركردووە
سێهەم: یەكەم مەفرەزەكانی پێشمەرگە بەڕۆژێك بەر لەڕاپەڕین شەهید ڕزگار و محەمەدی مەلا مەحمود دەلیلیان بوون لە تیتۆكە و كفرەدۆڵ جێگیركراوون بەرپرسی پێشمەرگەكان ( خوا لێیان خۆش بێت سابیر فەقێیانی كۆیە، موحسین بایز و مام هێمن لەگەڵ چەند قارەمانێكی پشدەر، كۆیە و باڵەكایەتی بوون
چوارەم: قەڵادزێ دەڤەری پشدەر و مەرگە ڕاگوێزرابوون ئەوكات پێیان دەووتن (منطقه المحرمه) واتا ناوچەی حەرام كراو بۆ ژیان. نابێ ئێستا پێیان بووترێ دەڤەری ڕاپەڕین چونكا ئەوكات تەنها لە(دەربەند، ڕانیە، سەركەپكان تا چوارقورنە و حاجیاوا و شكارتەیە) لەسەر ئەرزی واقع مابوون
پێنجەم: لە دوای شكستی شەڕی كەنداوی دوو سوپای عێراق لە كوێت هێزی لێبڕابوو، خەڵكی باشوور بەر لە كوردستان ڕاپەڕین. دوای ئەوەی سەدام مەزارگەكانی نەجەف و كەربەلای بە ساروخ وێران كرد ئەوجا جوڵە كەوتە كوردستان
شەشەم: بەرەی كوردستانی سەرپەرشتی پێشمەرگەبوو، هیچ حزب و شەخسێك نە موهندس نە كرێكار نەبوو. میللەت بە پشتیوانی چەكدارەكانی ناو ڕژێم ڕاپەڕی ، پاش ٣ ڕۆژ ئەوجا خوا لێی خۆشبێت كاك ڕەسوڵ مامەند لە ٧ / ٣ وەك بەر پرسی بەرەی كوردستانی لەو قاطعه هاتە شاری ڕانیەی قارەمان
حەوتەم: زۆربەی حزبەكان نامەیان بۆ مستەشاڕ و ئامر مەفرەزەی چەكدارەكانی ناو ڕژێم ناردبوو لە ڕێگای ڕێكخستنە نهێنیەكان داوای ئامادەكاری و پشتیوانیان لێ كرابوو
هەشتەم: دەربەندی بازیان هەتا چەمچەماڵ كەوتبووە ژێر دەستی مستەشارەكان و خەڵكی ڕاپەڕیوو ئەوجا سلێمانی پاككرایەوە لە ئەمن و سەگ و توڵەكانی بەعس
نۆیەم: هەموو خەڵك بەیەك دڵ و گیان ڕاپەڕین بە ئامانجی ژیانێكی نوێ بەڵام بەداخەوە تەنها پاتاڵخۆرەكان تێیدا سوودەمەندبوون وە تەنها هەڵەوەرەكان ملەی تاپۆكردن لەسەر خۆیانی دەدەن . هەوڵدەدەن وەك بیرە نەوتەكان میللەتی لێ بێبەری بكەن
دەیەم: فەزڵی دانیشتوانی حەوزی بیتوێن، چوار قوڕنە و حاجیاوا لەسەر هەموانە بەتایبەت لەسەر خەڵكی قەڵادزێ و دەڤەری پشدەر چونكا ئەگەر ٥ /٣ پاكسازی ڕانیە نەكرابا ئێستا دەبوو بۆ ئێسك و پڕوسكی دانیشتوانی ئۆردوگای خەبات لە بیابانەكانی باشووری ڕۆژئاوای عێراق لەسەر سنووری سعودیە گەڕاباین
تكا لە مامۆستایانی بەڕێزی زانكۆی ڕاپەڕین دەكەم ئەو دە خاڵە بەهێند وەرگرن و دیراسەی لەسەر بكەن و بیكەنە وانە و جیلی نوێی بەڕاستگۆیی پێ پەروەردە بكەن
هەر شاد و شكۆمەندبن
براتان
خالید ئاسنگەر
لەندەن، ١٠ ی ئازاری ٢٠١٨
تێبینی: هەر بەڕێزێك دیراساتی لەو بابەتە بەدەستەوەیە ئامادەین بە سوپاسەوە ووردەكاری زیاتری بخەینە بەردەست