عه‌بادی، ئه‌ردۆغان و ڕوحانی

به‌ناوی خوای به‌خشنده‌ی میهره‌بان
وَاعتَصِموا بِحَبلِ اللَّهِ جَميعًا وَلا تَفَرَّقوا
هاوکات له‌گه‌ڵ  دیداری (عه‌بادی، ئه‌ردۆغان و ڕوحانی) له‌ واشنتۆن، نامه‌یه‌کی کراوه‌  بۆ به‌ڕێزان
کاک عومه‌ری سه‌ید عه‌لی و ئه‌ندامانی (خانه‌ی ڕاپه‌راندن، ئه‌نجومه‌نی نیشتمانی و گشتی) بزووتنه‌وه‌ی گۆڕان
مامۆستا مه‌لا عه‌لی باپیر و ئه‌ندامانی (مه‌کته‌بی سیاسی و سه‌رکردایه‌تی) کۆمه‌ڵی ئیسلامی کوردستان
سڵاوی خواتان لێ بێت
میلله‌ته‌که‌تان شاهیدیتان بۆ ده‌دات له‌ دنیا و قیامه‌ت که‌ ئه‌و (په‌یام، تێبینی، سه‌رنج، ڕه‌خنه …هتد) ئه‌رک بوو له‌سه‌ر شانتان به‌زیاده‌وه گه‌یانتان. به‌ڕێز کاک مه‌سعود بارزانی له‌بری ئێوه‌ و هه‌موو خه‌ڵکی کوردستان هۆباڵی هه‌ر  ئه‌گه‌رێکی (خوا نه‌کرده‌)  خراپی ڕیفڕاندۆم و کاته‌که‌ی خستۆته‌ سه‌ر شانی خۆی. بۆیه‌ جێگای خۆیه‌تی هه‌ر که‌سێک گومان و دوو دڵیه‌کی له‌ سه‌رانی (یه‌کیه‌تی و پارتی) هه‌ بووه یا هه‌یه‌تی  به‌شێوه‌یه‌کی کاتی هه‌ڵیگرێت بۆ  کات و ساتی خۆی. ئه‌گینا به‌ده‌ستی خۆی ده‌بێته ‌هۆکاری دابه‌زاندنی ته‌رازووی خێره‌کانی ڕابردووی به‌هۆی پشتیوانی نه‌کردنی له‌ مافێک که‌ خوا به‌ ئێمه‌ی ڕه‌وا بینیووه‌ و له‌ جاڕنامه‌ی جیهانی مافی مرۆڤ زیاتر له‌ نیو سه‌ده‌یه ڕاگه‌یه‌ندراوه
وه‌ک هه‌موو لایه‌ک ئاگادارن له ئێستا دا که سه‌ده‌ی بیست و یه‌که، ده‌وڵه‌ زلهێزه‌کان خۆیان له‌ داننان به ماف و  گوێگرتن له داواکاریه‌کانمان ده‌بوێرن. هه‌روه‌ها سه‌رۆکی (تورکیا، عێراق، ئێران) له‌بری ووڵاتی خۆیان و ‌به‌وه‌کاله‌تی ( سوریایی ئه‌سه‌د، داعش، حه‌شدی شه‌‌عبی … هه‌رچی تیرۆریست و توند ڕه‌وی دنیا) هه‌یه، به‌ ئاشکرا و ‌به‌به‌ر چاوی میدیاکاران له‌ ئه‌مریکا سه‌ریان پێکه‌وه‌ ناوه‌ بۆ گه‌له‌ کۆمه‌کی له‌ ڕا وه‌رگرتن له‌ ئه‌ندامانی  گه‌له‌ جینۆساید کراوه‌که‌مان بۆ بڕیاردان له‌ چاره‌نووسی خۆیان،  جگه‌ له‌وه،  بوونی نوێنه‌ر و  ئاڵای کوردستان له‌ نه‌ته‌وه‌ یه‌کگرتووه‌کان به‌ مه‌ترسی بۆ سه‌ر ئاسایشی نیشتمانی و نه‌ته‌وه‌یی خۆیان ده‌زانن
به‌ڕێزان‌ وه‌ك خه‌لیفیه‌یه‌کی خوا له‌سه‌ر زه‌وی  (به‌بێ چاوه‌ڕوانی پاداشت له‌ هیچ که‌س و لایه‌نێک، جگه‌ له‌ په‌روه‌ردگار  که باشترینیانه) داواتان لێ ده‌که‌م که‌ سه‌رۆک، سکرتێری و ئه‌ندامانی په‌رلمان سه‌ر به لیسته‌کانتان  به‌زووترین کات بنێرنه‌وه بۆ په‌رلمانی کوردستان بۆ درێژه‌دان به‌ دانیشتنه‌ ئاساییه‌کان له‌ پێناو باشکردنی گوزه‌ران و بژێوی خه‌ڵک و چاودێری ده‌زگا فه‌رمیه‌کانی ڕاپه‌ڕاندن . هه‌روه‌ها  هانی ئه‌ندام، هه‌واداری حزبه‌کانتان بده‌ن  که هه‌ر کاتێک ریفڕاندۆم  له کوردستان ئه‌نجامدرا  وه‌ڵامیان (به‌ڵێ)  بێ بۆ سه‌ربه‌خۆبوونی کوردستان
هیوادارین ئامانجی په‌یامه‌که‌مان به‌ ڕوونی بگات و به‌ هێند وه‌ربگیرێ
(وما على الرسول إلا البلاغ المبين)
براتان
خالید ئاسنگه‌ر
له‌نده‌ن، ١٩ سه‌پتێمبه‌ری ٢٠١٧