Dialogue in the dark

 

دیالۆگ تاکه‌ ڕێگای لێک حاڵێ بوونی مرۆڤه‌کانه بۆ وێک هه‌ڵکردن و پێکه‌وه‌ ژیان. پرسی دیالۆگ زۆر هه‌ڵده‌گرێت نامانه‌وێت به‌ کوێرانه‌ وه‌ نێوی بکه‌وین. ئه‌وه‌ی لێره‌ ده‌مانه‌وێت تیشکی بخه‌ینه‌ سه‌ر ته‌نها؛ تکا و لێ پاڕانه‌وه‌ی دۆستانه‌ و هاورێیانه‌یه له زانا و ڕۆشنبیرانی کورد، بۆ ئه‌وه‌ی  سه‌رکرده‌کانی کورد به‌ نه‌زانی یا  به‌ ناچاری له‌ دانشتنه‌کان به‌ناوی دانۆستانی دۆستانه‌ و پێکه‌وه ژیان چیدی  داگیرکه‌ران وه‌ک برا گه‌وره‌ کڵاوی برا گچکه‌‌یان نه‌ خه‌نه‌ سه‌ر،  ئه‌وان به‌ به‌رنامه‌ یا به‌ وویست و مه‌رامی هیچ لایه‌ک نه‌بنه‌ درێژه‌ پیده‌ری ئه‌و به‌د به‌ختیه‌ به‌ ناوی دیالۆگی کورد له‌گه‌ڵ مه‌زهه‌ب و ئاین. چونکا کورد نه‌ته‌وه‌‌یه و میلله‌ته،‌ نه‌ک ئایین و مه‌زهه‌ب
وه‌ک ده‌زانن له‌ دێر زه‌مانه‌وه توانیوایانه سه‌رۆکی میرنشین، ‌خێل، عه‌شیره‌ت، تایفه‌ کورده‌کان له‌ خشته‌ به‌رن و دابه‌شی دوو به‌ره‌ و چه‌ند به‌ره‌‌یان بکه‌ن بۆ ئه‌وه‌ی باشتر بتوانن به‌سه‌ریان دا زاڵ بن. ٥٠٠ ساڵ به‌ر له‌ ئێستا له‌ دوای شه‌ڕی چاڵدێران خاکی کوردستان کرد به‌ دوو به‌ش. له‌وێ ڕۆژێوه‌ تا ئه‌مڕۆ هه‌ر پارچه‌ی لێده‌که‌نه‌وه یان خه‌ڵکه‌که‌ی ده‌رده‌په‌رێندرێ و ( عه‌ره‌ب، فارس و تورک) ی موسڵمان و مرۆڤی غه‌یره‌ کوردی لێ نشته‌جێ ده‌کرێ
له‌ بیسته‌کانی سه‌ده‌ی ڕابردوو له‌ دوای لکاندنی به‌شێک له خاکی کوردستان به‌و ووڵاته‌ی که ناویان نا عێراق.  زۆر جاران نوێنه‌ری که‌مینه‌ی کوردی ژێر ده‌سته‌ کراو له‌گه‌ڵ نوینه‌ری زۆرینه‌  سه‌رده‌سته‌ی عه‌ره‌بی ڕووبه‌رووی دیالۆگ و  دانوستان بوونه‌وه. زۆر به‌داخه‌وه دوای سه‌ر نه‌که‌وتنی چه‌ندین شۆڕش و ڕاپه‌ڕین نه‌مان توانی بیان هێنینه‌ ڕه‌دایه‌ که‌ ئێمه‌ش وه‌ک ئه‌وان مرۆڤین و به‌شێک له‌ خاکی ئه‌و ووڵاته خاکی ئێمه‌یه. له‌لایان کوفر بوو که دان به‌ سنووری خاکه‌که‌ی خۆمان  دابنێنن که‌ سور ده‌یان زانی به‌ر له‌ چه‌ند ساڵێک به‌ زۆر به‌و ووڵاته‌‌وه لکێندراوه. ده‌رده‌ سه‌ری لێک حاڵی بوون له‌ نێوان زۆرینه‌ی عه‌ره‌بی سه‌رده‌سته‌ی پشت ئه‌ستوور به‌زیاتر له ٢٠  ده‌وڵه‌تی عه‌ره‌بی نه‌وت فرۆش و شه‌ریکه‌کانیان، له‌گه‌ڵ که‌مینه‌ کوردی دابه‌ش کراو زۆر ئه‌سته‌م  و به‌ سوێ بوو
ماڵ بۆ خۆی نه‌بوو میوانیش ڕووی تێکرد،  ئه‌مریکا و هاوپه‌یمانان له پێش ڕووخاندنی ڕژێمی سه‌دام حوسینه‌وه تا ئه‌مڕۆ  بۆ ڕاستکردنه‌وه‌ی پارسه‌نگی که‌مینه‌ی سونه‌‌ی عه‌ره‌ب به‌رامبه‌ر به زۆرینه‌ی شیعه‌ی عه‌ره‌بی عێراق، کڵاوی (به‌خۆشی یا به‌ترشیان) کرده‌ سه‌ری سه‌رکرده‌ کورده‌کان، هاوکێشه‌‌یه‌‌کی هاڵۆزتری ( کورد + عه‌ره‌بی سونه‌ + عه‌ره‌بی شیعه‌) هێنایه کایه‌. له‌ دوای ڕوخاندنی سیسته‌می دیکتاتۆری سه‌دام، باری کوردیان بۆ بڕیاردان چه‌ند هێنده ئه‌سته‌متر کرد،  بۆ داوای دیالۆگ و لێک حاڵی بوون له‌گه‌ڵ هه‌ر کام له‌و دوو جه‌مسه‌ره  ته‌ریبه‌، چ جای بگاته‌ ڕاده‌ی دانوستان و دانپێدانان به مافی کورد. به‌و هاوکێشه‌یه‌ی که دروستیان کردووه له‌ ناوچه‌که‌، دوو لایه‌نی وێک نه‌هاتووه‌وه، تا دنیا خرابوون، به‌ناو مه‌زهه‌بی به‌ڵام له‌ ناوه‌رۆک سیاسی و کۆک له‌سه‌ر دان نه‌نان به‌ سه‌ربه‌خۆبوونی کورد وه‌ک هه‌ر مرۆڤێک له‌ دنیادا. داوێکی وایان بۆ  کورد ناوه‌ته‌وه که‌ مل به‌ هه‌رلایه‌کدا خوار بکاته‌وه بۆ گفتووگۆ، لایه‌که‌ی تر ده‌یان ئایه‌ت و فه‌رمووده‌ی بۆ بهێنێته‌وه بۆ به کافر ناساندنی یا ڕه‌وایی دان نه‌ک هه‌ر به‌داگیرکردنی خاکه‌که‌ی به‌ڵکو به‌ کۆیله‌ و که‌نزه‌ بردنی ژن و کچه‌کانیشمان. هه‌راج کردنیان زۆر به‌بێ شه‌رمانه‌ و نه‌ترسانه به‌ به‌رچاوی ئه‌و هه‌موو مرۆڤ گه‌له‌ به‌ناو خوا په‌رست و مرۆڤ دۆسته
به‌ڕێزان ده‌رک نه‌کردن به‌و ڕاستیه‌ تاڵانه‌ یا پشتگوێ خستن و به‌ هێند وه‌رنه‌گرتنیان تاوانێکی گه‌وره‌یه بۆ زانا و ڕۆشنبیرانی کورد.  ئه‌گه‌ر له‌ ڕابردوو بۆ سه‌‌ره‌ک هۆز و خیڵه‌کان به‌ نه‌زانی و کاڵفامی له‌قه‌ڵ درابێ، هیچ بواری تێدا نیه له‌ چه‌رخی ٢١ بۆ هیج زانا و نه‌زانێکی کورد ڕێگا بدرێ بۆ هه‌ر مه‌رامێکی تایبه‌تی شه‌خسی یا حزبی، کێسی دۆزی کورد بشێوێنێت و هه‌راجی کات به‌ناوی دیالۆگ و لێک حاڵی بوونی کورد له‌گه‌ڵ شیعه‌ یان سونه. چونکا شیعه‌ و سونه‌ بڕیاریان داوه‌ له‌ دنیاکه‌ی دیکه‌، په‌روه‌ردگار دادوه‌ریان له‌ نێوان دا بکات بۆ ئه‌وه‌ی بزانن کامیان له‌سه‌ر حه‌قه
بۆیه‌ به‌ ئه‌رکی زانا و شاره‌زایانی ئایین  خوا په‌رستی ڕاسته‌قینه‌ی کورد زبانی ده‌زانین که چیتر کاتی خۆیان به‌و کڵاو کڵاوێنه‌ به‌سه‌ر نه‌به‌ن بۆ ئه‌وه‌ی میلله‌ته‌که‌مان ڕه‌نجه‌ڕۆی هه‌ر دوو دنیا نه‌‌که‌ین. پێویسته له‌به‌ر خاتری خوا نه‌ک بۆ گه‌یشتن به‌ ده‌سه‌ڵات، سه‌روه‌ت و سامان له‌ هه‌ر چوار پارچه‌ی کوردستان و له‌ ده‌ره‌وه‌ی ووڵاتیش به‌ ئه‌رکی خۆیان بزانن،‌ ده‌ست ده‌نه‌ توێژینه‌وه‌ی چۆنیه‌تی وێک هه‌ڵکردنی ئایینه‌ جیاوازه‌کان به‌تایبه‌تی ڕێچکه‌ لێک جیاوازه‌کان ئایینی پیرۆزی ئیسلام له‌ نێو خودی کوردستان. به پێویستی ده‌زانین زۆر به‌ ئاگایانه‌ و شاره‌زایانه سه‌ره‌ جه‌مسه‌ره‌کان لێک نزیک بکرێنه‌وه به‌بێ ئه‌وه‌ی ئه‌و پرسه‌ بکرێته به‌رنامه‌ی سیاسی بۆ دامه‌زراندنی حزب یان به‌ڕێوه‌ بردنی ووڵات
به‌ڕای ئێمه‌ زانا و خوا په‌رستی کورد له‌ دوو سه‌ده‌ی ڕابردوو که‌میان نه‌کردووه له‌ بنیات نانی زمان و فه‌رهه‌نگی کوردی تا ڕێبه‌ری و سه‌رکردایه‌تی کردنی شۆڕشه‌کان، ئه‌گه‌ر ئه‌مڕۆش به‌ هه‌مان ڕوحیه‌تی ئه‌حمه‌دی خانێ، حاجی قادر، شێخ سه‌عیدی پیران و قازی …..هتد له‌خۆی ببوورن ده‌توانن کورد له‌و ده‌ریچه ته‌سکه‌ ده‌رباز بکه‌ن.  له‌ توانادا هه‌یه شێوازه‌ ڕاسته‌قینه‌که‌ی خوڕه‌وشت به‌رزی، مرۆڤ دۆستی و خوا په‌رستی ڕوحانی، به‌ده‌ر له فرت و فێڵ و کڵاو بازی سیاسی له‌ بنه‌ چه‌وه‌، سه‌ر له‌نوێ داڕێژێنه‌وه وه‌ک ئه‌وه‌ی خوای مه‌زن ده‌یه‌وێ له‌ ڕێگای په‌ڕاوه‌ ئاسمانی و پێغه‌مبه‌ره‌کانی له‌سه‌ر زه‌وی بۆ پێکه‌وه‌ هه‌ڵکردن و پێکه‌وه‌ ژیانی مرۆڤه‌کان به‌ ئارامی و به‌دادوه‌ری پیاده‌ بکرێت
به‌دیدی ئێمه ئه‌مڕۆ له‌ هه‌موو ڕۆژان زیاتر بوار بۆ زانایانی ئاینی کوردستان ڕه‌خساوه که‌ به خوره‌ووشت به‌رزی  خوا په‌رستی  نموونه‌ی پیکه‌وه‌ ژیان و ئاوه‌دانی له‌ کوردستان نیشانی دنیا بده‌ن
 وه‌ک نموونه‌ ڕاستیه‌ک  ده‌خه‌ینه‌ پیش چاوتان، که ناکرێ تا ئێستا  که‌س مابێ ده‌رکی پێ نه‌کردبێ. دووژمنان و داگیرکه‌رانی کوردستان، ده‌یان ساڵه‌ چه‌ندین ناو و ناتۆره‌ی ناشیرنیان له‌ سومبولی فیداکاری کورد (پێشمه‌رگه‌)  نابوو. تا چه‌ند مانگ و ساڵێک به‌ر له‌ ئێستا به‌ هۆی وێک هه‌ڵنه‌کردنی حزبه‌ سیاسیه‌کان یا دابه‌ش بوونیان به‌گوێره‌ی به‌رژه‌وه‌ندیه‌کانیان،  زۆری خه‌ڵک وای لێ هات بوو به‌شه‌رمه‌وه بڵێ پێسمه‌رگه‌م! هه‌ندێک له‌ به‌ناو ڕۆشنبیری کورد خراپتر له‌ به‌دکار و داگیرکه‌رانی کوردستان به‌ میلیشیا و چه‌کداری حزبه‌‌کانیان ناو ده‌بردن! به‌ڵام ئه‌و باروزروفه‌ی که‌ له‌و دواییانه‌ هاته‌ کایه‌وه، پاراستنی کوردستان پێویستی بوونی پێشمه‌رگه‌ی پیرۆزتر کرد. ناوی پێشمه‌رگه کاردانه‌وه‌ی ئه‌رێنی له‌سه‌ر پاراستنی خاکی کوردستان زیاد کرد، دنیا به‌ دۆست و دوژمنه‌وه  زیاتر له‌ هه‌موو شتێک ناوی پێشمه‌رگه‌یان وه‌ک په‌رچه‌ کردار بۆ ڕووبه‌ڕوو بوونه‌وه‌ی تیرۆر و توند ڕه‌وی پێناسه‌ کرد
خۆراگری یه‌کینه‌کانی پاراستنی گه‌ل له‌ کوبانێ به‌ هه‌مان شێوه‌ و زیاتر، نه‌ک هه‌ر ناوی (گه‌ریلا) ی له‌ تیرۆریسته‌وه به‌ ئه‌مریکا  و هاوپه‌یمانه‌کانی کرد به‌ فریشته‌ی ئاشتی به‌ڵکو سه‌رنجی دنیایان ڕاکیشا بۆ لای دۆزی کورد و مامه‌ڵه‌‌ی ڕاسته‌وخۆ کردن  له‌گه‌ڵیاندا. کچان و کوڕانی کوبانێ ته‌نها به‌ پشت به‌ستن به‌ خوا و خۆیان، سه‌لماندیان که‌بێ ئه‌وان ئاشتی و ئاسایش ناتواندرێ له‌ ڕۆژهه‌ڵاتی ناوه‌ند پیاده‌ بکرێت
ئه‌مانه‌ مشتێکن له‌ خه‌روارێک نموونه‌‌ی زیندوو ئه‌گه‌ر کورد زه‌مینه‌ی بۆ بڕه‌خسێندرێ له‌ توانای دا هه‌یه که‌ موعجیزه‌ بخوڵقێنێ. گومانی تێدا نیه زانایانی ئایینی زۆر زیاتر ده‌توانن سوود له‌م باروزرووفه‌ وه‌ربگرن به‌ بێ ئه‌وه‌ی به‌لای شیعه‌ یا سونه‌ یا هه‌ر مه‌زهه‌بێکی تردا بیشکێنه‌وه به‌ڵکو وه‌ک ئه‌وه‌ی که‌ خوا له‌ په‌راوه‌کانی به پێغه‌مه‌به‌ره‌کانی دا (د.خ) ، به‌ تایبه‌ت ‌له قورئانی پیرۆز له‌ڕێگای محه‌مه‌د (د.خ)  وه‌ک ره‌حمه‌تێک بۆ هه‌موو جیهان ناردووه. به‌ تاوانی ده‌زانین چیتر مه‌لا ، زانا و شاره‌زایان له‌بواری ئیسلام و ئاینه‌کان دابه‌ش بن به‌پێ‌ی به‌رژه‌وه‌ندیه‌کانیان یا دابین کردنی بژێوی ژیان به‌سه‌ر حزب و گروپه‌کان که‌ له‌ ناوه‌ڕۆکدا زۆربه‌ی سه‌رکرده‌کانیان بڕوایان پێ نین و به‌کاریان ده‌هێنن
داوا له‌ هه‌موولایه‌ک ده‌که‌ین که‌ هه‌روه‌ک چۆن خوای مه‌زن ئه‌مری پێکردووین به‌ دیالۆگ و مشاوه‌ره‌ت به‌زانایانه ئه‌م پرسه‌ ده‌وڵه‌مه‌‌ند بکه‌ن
براتان
خالید ئاسنگه‌ر
له‌نده‌ن، ١٠ی دێسمبه‌ری ٢٠١٤
بۆ زیاتر ده‌وڵه‌مه‌ند کردنی پرسی دیالۆگی ته‌ندروست سه‌رنجتان بۆ ئه‌م سه‌رچاوانه‌ ڕاده‌کێشم
1-
134 Walton
To accept some designated proposition, using as premises only propositions that the other party has accepted as commitments.
The following classification of types and subtypes of dialogue may help to orient the reader.
1.Persuasion dialogue
1.1 critical discussion
2.information-seeking dialogue
2.1 interview
2.2 advice-solicitation dialogue
2.21 expert consultation dialogue
3.Negotiation dialogue
4.Inquiry dialogue
4.1 scientific inquiry
4.2 public inquiries (e.g., into air disasters)
5.Eristic dialogue
5.1 quarrel
A more extensive account of the different types of dialogue is given in
Walton (1989, p. 10) and Walton (1989a, p. 355).
http://www.dougwalton.ca/papers%20in%20pdf/92typesolog.pdf
2-
In Dialogue, a group of people can explore the individual and collective presuppositions, ideas, beliefs, and feelings that subtly control their interactions. It provides an opportunity to participate in a process that displays communication successes and failures. It can reveal the often puzzling patterns of incoherence that lead the group to avoid certain issues or, on the other hand, to insist, against all reason, on standing and defending opinions about particular issues.
http://www.infed.org/archives/e-texts/bohm_dialogue.htm
3-
دیالۆگی بنیاتنه‌رانه‌ چییه‌
له‌ دیالۆگی بنیاتنه‌رانه‌دا هه‌ر لایه‌نه‌ هه‌وڵده‌دات بیروڕاکانی خۆی ده‌ربڕێت و جه‌خت بکاته‌ سه‌ر ئه‌و خاڵ و لایه‌نانه‌ی لای که‌سی به‌رامبه‌ر ته‌مومژاوی و نه‌بینراوه‌، هه‌روه‌ها که‌سه‌ به‌رامبه‌ره‌کان ئاماده‌ی گوێگرتنی ته‌واون له‌یه‌کتر، خاوه‌نی زانیاری و هۆشیاری ته‌واون ده‌رباره‌ی ئه‌و پرسه‌ی دیالۆگی له‌سه‌ر ده‌کرێت، خۆیان به‌دوور ده‌گرن له‌ هه‌ڵچوون و ڕه‌فتار و وته‌ی ناشایسته‌ به‌رامبه‌ر ئه‌وی دی، هه‌وڵی فێربوون ده‌دات له‌ به‌رامبه‌ر، به‌ (باش) ی به‌رامبه‌ر ده‌ڵێت باش و به‌ (خراپ)ی به‌رامبه‌ر ده‌ڵێت خراپ، واته‌ باش و خراپ پێکه‌وه‌ ڕه‌ت ناکاته‌وه‌
http://derunnasy.com/le_komellgewe/babeti-jimare7305.html
4-
وه‌کو ده‌زانرێت رۆژی 11ی ئازاری 1970 له‌به‌یانی 11ی ئاداردا حکومه‌تی ئێراق ئۆتۆنۆمی بۆ گه‌لی کورد په‌سند کرد و بڕیار بوو له‌ رێگه‌ی دانوستاندنه‌وه‌ هه‌تا 11ی ئاداری 1974 وه‌رده‌کارییه‌کانی ئه‌م رێککه‌وتنه‌ و ئۆتۆنۆمی کوردستان جێبه‌جێ بکرایه‌، به‌ڵام له‌ ساڵانی 1970 هه‌تا 1974 ئه‌مریکا و هاوپه‌یمانه‌کانی به‌هه‌موو شێوه‌یه‌ک هاوکاری کوردیان کرد و کاریان له‌سه‌ر ئه‌وه‌ ده‌کرد که‌ کورد و ئێراق له‌یه‌ک دوور بخه‌نه‌وه‌ و له‌ ئێراقدا ئاشتی به‌رقه‌رار نه‌بێت، به‌ پێچه‌وانه‌وه‌ سۆڤێت و هاوپه‌یمانه‌کانی هاوکاری ده‌وڵه‌تی ئێراق و حزبی به‌عسیان ده‌کرد هه‌تا هه‌نگاو نه‌نێت بۆ په‌سند کردنی داواکانی کورد، له‌ بن ناوی ئه‌وه‌ی که‌ ئه‌مه‌ داوای ئیمپریالیزمه‌ . واته‌ به‌هه‌موو شێوه‌یه‌ک هه‌ر دوو به‌ره‌ کاریان کرد بۆ ئه‌وه‌ی که‌ ئاشتی و شه‌ڕ بخه‌نه‌ خزمه‌تی خۆیانه‌وه‌ . دیاره‌ له‌م پرۆسه‌یه‌دا سه‌رکه‌وتن، چونکه‌ له‌ لایه‌ک رێگه‌یان نه‌دا دیالۆگی نێوان کورد و به‌غدا بگاته‌ چاره‌سه‌رییه‌کی ناوخۆیی و کاتێکیش شه‌ڕ هه‌ڵگیرسایه‌وه‌ له‌ 1974دا شه‌ڕیان به‌ ئاراسته‌ی به‌رژه‌وه‌ندییه‌کانی خۆیاندا برد و له‌و جێگه‌یه‌ی که‌ هه‌ستیان به‌ مه‌ترسی هاوبه‌ش کرد له‌ مه‌زنبوونی جوڵانه‌وه‌ی کوردیدا که‌ ئه‌ویش گۆڕینی هاوکێشه‌ سیاسیه‌کانی هه‌رێمه‌که‌ بوو، سازشیان له‌ گه‌ڵ یه‌کتردا کرد و کوردیان رووبه‌رووی چاره‌نوسێکی نه‌خوازراو کرده‌وه‌
http://so.firatnews.com/news/roejnae/rykhh-wtny-jh-zy-yr-pylngyryyh-khy
-nywdh-wlh-ty-bww-boe-rygh-grtn-lh-chrh-sh-ry-doezy-khwrd.htm
5-
حوار الديانات يعني التفاعل التعاوني الإيجابي والبناء بين الناس من مختلف التقاليد الدينية (أي المعتقدات) و/أو الروحية أو الفلسفية على المستويين الفردي والمؤسسي، يتميز حوار الديانات عن التوفيق بين الأديان أو الدين البديل كونه غالبا ما يعمل على تعزيز التفاهم بين الأديان المختلفة من أجل زيادة قبول الآخر بدلا من توليف معتقدات جديدة
http://ar.wikipedia.org/wiki/%D8%AD%D9%88%D8%A7%D8%B1_
%D8%A7%D9%84%D8%AF%D9%8A%D8%A7%D9%86%D8%A7%D8%AA
6-
2- بحث حول طرق الحرير والمنظمات العالمية
بادرت منظمة التربية والعلوم والثقافة التابعة للامم المتحدة  اليونسكو، الي عرض مشروع (العقد الثقافي)، وذلك من اجل الدفاع عن ثقافات شعوب العالم وتثمين الامور غير المادية السائدة علي المنظمات العالمية، وكان الهدف الرئيس من ذلك هو ان يعمد العلماء والباحثون لكل دولة الي تجميع ابحاثهم بمساعدة ابناء شعوبهم ومراكزهم العلمية والثقافية ومبادلة المعلومات والكنوز الثقافية التي يملكونها مع دول العالم الاخري وبالتالي ان توفر هذه المنظمة الظروف المساعدة والتسهيلات اللازمة لتحقيق هذا الامر التاريخي – الثقافي
http://www.hawzah.net/fa/article/articleview/90556
http://www.unesco.org/new/ar
7-
برای به‌ڕێزم مرۆڤ ده‌توانێ له‌ قورئانه‌وه‌ هه‌موو مافه‌كانی خۆی بدۆزێته‌وه‌،له‌ ئازادی و یه‌كسانی و فیدراڵی و سه‌ربه‌خۆیی و دادگه‌ری و پێكه‌و ژیان و مافه‌ تاكییه‌كان و مافه‌ كۆمه‌ڵایه‌تیه‌كان،كه‌دڵی ڕازی بكات و گۆڕانی ئیجابی له‌جیهاندا دروست بكات و ئه‌و ده‌وڵه‌ته‌ كارگێڕییه‌ میسالیه‌ی بۆ بێنێته‌ كایه‌وه‌،كه‌ ته‌واوی مرۆڤه‌كان چاوه‌ڕێی ده‌كه‌ن
http://bzavpress.com/Detail.aspx?id=1913&LinkID=1